Chapter 3 Steak Bar & Restaurant (Closed)

呢間位於太子嘅酒吧都幾大，裝修用心，坐得舒服。嗌咗個小食、兩個主菜同埋兩杯嘢飲。蟹餅都幾多餡，啖啖蟹肉，仲有啲橙拌碟，好fresh!墨西哥餡餅有牛油果醬、酸忌廉、肉醬、菜同埋番茄粒做餡，自己包，呢幾樣嘢加埋又幾夾味，可以自己控制份量。豬肋排好大塊，連啲薯條都好多！本身舊豬肋排都好夠味，啲肉又嫩。我好鍾意啲薯條，炸得好脆。嘢飲嗌咗fruit punch 同啤酒，杯fruit punch 又幾靚！侍應服務都好好同勤快，會積極留意住食客進度，食完就收碟，保持枱面清潔。