港嘢食堂 (Closed)

今日去呢間充滿舊時香港特色既餐廳食飯，連食物份量都有以前既感覺!我地叫左鐵板鴛鴦扒餐，係有兩大塊雞扒同豬扒，仲要係好厚身但又唔會乾同埋韌。真係有以前食鐵板餐既感覺而最神奇既係會有半舊青椒同紅椒再加一整片菠蘿!呢個真係未試過係其他地方見過，好大方又唔計較成本，仲要整得好食!另外叫咗焗鴛鴦扒飯餐，其實叫完先知我地應該食緊差唔多既嘢，下次可以試下其他菜式。不過個焗飯真係好大份，好似好耐以前食飯個陣咁既size，大大碗飯再加埋巨型雞扒&豬扒，超級滿足同埋食之前真係要好肚餓先會食得哂，因為實在太大碟啦!