Le Colonial

Open Now

Now Closed

星期五晚七點幾四個人可以Walk in直入有啲驚訝，有一位本地後生男侍應態度非常好，好細心，東南亞裔嘅女侍應都合格，但有一個東南亞裔嘅類似店長嘅阿叔，我地食完八個餸十分鐘都冇，呢個阿叔已經係咁收嘢，不斷望住我地，要強調佢真係望得好頻密！勁唔舒服！似乎想俾壓力我哋想趕人走，但係佢間舖頭根本就唔full，極度懷疑呢個疑似店長嘅阿叔可能係喺某啲大型連鎖快餐店做開🤣🤣但係一本通書唔可用到老架，做人做事最緊要食腦曉變通呢條街啲餐廳係咁執笠，呢間餐廳畀呢啲自作聰明嘅人揸fit應該都好快執😂😂室內環境幾好，但好少位，部份細枱好迫，同隔離枱非常近，好彩我哋坐大枱唔駛迫，因為呢間嘢啲嘢食都幾貴。室外好多好多好多人食煙！非吸煙者千祈唔好坐出面！食物係幾好食，但非常overpriced，例如：雞翼兩隻要百幾蚊、兩串雞串燒都要差唔多一舊水⋯性價比十分低，但係呢條食街都係充斥住表面光鮮啲嘢好貴但啲食物唔算勁好食嘅餐廳，呢間唔算最差嘅～