滿樂中菜 (Closed)

如收據圖所示點了這些點心，珍珠雞加一前HK$58實在唔係好抵，d荷葉無包實d食物，得兩件，個面白雪雪，冇用瑤柱水浸糯米。個炸雲吞不得不影既原因係實在太油，又冇放吸油紙，食落係脆既，不過睇顏色d油都知用左好多次無換。座位方面我地被編排坐比三張台夾住同好近既位，4張櫈有2張位置唔太可以坐人，但侍應又唔會擺好d個位，導致只可以用台最外邊1/3既位置，只夠放2個點心，加上長時間無人清下d碟，長期只係我自己張食完既碟放係另下果2/3台既位騰出空間，食得好迫十分不便。同埋不時會有高過張台既執台手推車行過已經好迫既走廊，要小心被撞。咁多樣點心都一般，無咩邊個特別出色，試下無妨但唔駛特別再試。