Video
Read full review
2023-04-29
130 views
📌 聯發茶餐廳 - 九龍城侯王道2-4號地下1號舖🗓(29/4) 星期六 ⏰ 晚上6點左右 💈特式：呢間茶餐廳係九龍城都相當出名，除左食物具有自家風格同特式之外，亦係不少明星會去幫襯嘅餐廳，例如張軒都有介紹過，相信食物出品應該會有不錯嘅表現。🥩🍔🌭🌮🥗🥯🥘🍲🍝🍣🥟🍤🍱食物：見完menu同牆上嘅餐牌，真係即刻有少少選擇困難，因為每樣都好特別，但我只有兩個人兩個胃，根本就試唔到咁多食物，而家等我同大家講下味道先。薑蔥油雞扒撈一丁$76 - 鐘意食蔥油嘅朋友見到呢個撈丁一定會好開心，個面鋪滿薑蔥油，香噴噴，雞扒皮脆肉厚，而且仲有好重嘅香茅醃味，份量亦都好大，抵食之選。特餐$66 - 特餐除左係早餐時段外就全日都有供應，個餐有餐包或多士/火腿煎雙蛋或炒蛋/沙嗲鮮牛湯粉/餐飲。我係特登叫佢呢個特餐，因為通常茶餐廳嘅特餐都係做得最好，而且個餐有沙嗲牛，而沙嗲牛就係一間茶餐廳嘅靈魂。佢個沙嗲牛都做得幾好，牛肉係用鮮牛，味道比較出，而且都切得夠厚身，沙嗲汁又夠濃郁同掛身，麵底就可以揀意粉/米粉/通粉/出前一丁。炸餐肉條配蛋黃醬$32 - 呢個炸餐肉條我都係第一次見有茶餐廳咁做，夠晒大膽創新，將餐
🗓(29/4) 星期六 ⏰ 晚上6點左右
💈特式：呢間茶餐廳係九龍城都相當出名，除左食物具有自家風格同特式之外，亦係不少明星會去幫襯嘅餐廳，例如張軒都有介紹過，相信食物出品應該會有不錯嘅表現。
🥩🍔🌭🌮🥗🥯🥘🍲🍝🍣🥟🍤🍱
食物：見完menu同牆上嘅餐牌，真係即刻有少少選擇困難，因為每樣都好特別，但我只有兩個人兩個胃，根本就試唔到咁多食物，而家等我同大家講下味道先。
薑蔥油雞扒撈一丁$76 - 鐘意食蔥油嘅朋友見到呢個撈丁一定會好開心，個面鋪滿薑蔥油，香噴噴，雞扒皮脆肉厚，而且仲有好重嘅香茅醃味，份量亦都好大，抵食之選。
特餐$66 - 特餐除左係早餐時段外就全日都有供應，個餐有餐包或多士/火腿煎雙蛋或炒蛋/沙嗲鮮牛湯粉/餐飲。
我係特登叫佢呢個特餐，因為通常茶餐廳嘅特餐都係做得最好，而且個餐有沙嗲牛，而沙嗲牛就係一間茶餐廳嘅靈魂。佢個沙嗲牛都做得幾好，牛肉係用鮮牛，味道比較出，而且都切得夠厚身，沙嗲汁又夠濃郁同掛身，麵底就可以揀意粉/米粉/通粉/出前一丁。
炸餐肉條配蛋黃醬$32 - 呢個炸餐肉條我都係第一次見有茶餐廳咁做，夠晒大膽創新，將餐肉切到一條條厚切薯條咁，之後炸香炸脆，再配以蛋黃醬，真係一絕，建議大家可以試吓。
☕️🍵🥤🧋🍺🍷🥃🍹🧉🍾🍶🥛
飲品 : 特餐有包埋一杯餐飲，凍飲就要加$2蚊，可以揀普通咖啡/奶茶/檸茶/檸水，我就加錢轉左紅荳冰，花奶味濃，紅荳夠沙夠香。另外我仲散叫左杯雪糕咖啡Affogato $38，呢個意式咖啡做法竟然係一間茶餐廳見到，都真係幾新奇有趣，而且佢地都做得唔比樓上cafe差。
🍽環境：完完全全係大家熟悉嘅茶餐廳環境，左右兩邊一排木製卡位，中間再擺幾張四方型餐枱，不過餐廳都算光猛整潔，衛生環境亦比起一般茶餐廳好好多。
🤵🏻🤵🏻♀️🤵🏻♂️服務：店員服務都唔錯，唔會好似大家心目中嘅茶餐廳職員咁粗聲粗氣，店員語氣好溫柔有禮，亦幾有笑容。
💰💸價錢：叫左主食/特餐/小食/特飲各一，埋單就大約$240蚊左右，以茶餐廳呢個價錢雖然就唔算好平，但佢地嘅食物質素做得幾高，又有不少特式食物選擇，所以以性價比嚟講，我覺得係幾抵食。
🐲💬總結：我個人好鐘意佢d食物真係幾有自己嘅特式，而且不是一般茶餐廳可以見到的，期待下次試埋佢地其他特式食物。
推薦指數：❤️❤️❤️❤️🤍
薑蔥油雞扒撈一丁
$76
10 views
0 likes
0 comments
特餐
$66
13 views
0 likes
0 comments
炸餐肉條配蛋黃醬
$32
14 views
0 likes
0 comments
紅荳冰
$32
16 views
0 likes
0 comments
雪糕咖啡Affogato
$38
20 views
0 likes
0 comments
Post
