香香宮煮 (金輝大廈)

Open Now

Now Closed

火鍋之選有朋友喺英國返嚟一行六人入到去佢係一個宮𨒂式嘅裝修，醬料亦都已經放好喺每一台嘅枱面因為我哋懶嘅關係，所以我哋直接叫咗一個牛魔王六人餐去分別就有兩個鍋，油甘魚刺身，一大盤唔同款式嘅牛肉，一碟，西班牙豬肉，各式各樣嘅海鮮，非常出色嘅鮮炸響鈴，當然唔少得嘅仲有其他啲手打丸墨魚滑蝦滑，同埋蔬菜仲有兩壺竹蔗茅根。我哋嗌咗花膠雞湯同卜卜蜆煲個花膠雞湯，湯頭非常濃郁，我哋六個人都讚！而卜卜蜆煲個湯底就冇花膠雞湯咁好飲，不過蜆肉嘅份量好充足，食到最尾都仲有。油甘魚方面，係厚切，份量充足，非常新鮮鮮甜，差啲多到食唔晒。再講牛肉方面，牛肉亦都係手切質數同份量亦都唔錯。佢未算入口即溶，但係就算煮耐左少少，都唔會鞋晒。我個人最喜歡係花雕醉牛肉。海鮮亦都新鮮唔馬虎，帶子蟶子係大大隻嘅，鮑魚亦都係南非鮑唔係大連鮑。亦都配合返成個裝修，個竹蔗茅根係用一個好重手嘅龍頭水壺裝住，igable!食物質素係唔差，不過環境方面就爭少少，可能我哋坐喺門口嘅關係嗰日亦都係比較凍不斷有啲風喺門口吹入嚟，我成個人唔係好舒服，座位亦都係相對比較窄。