天澄閣

Open Now

Now Closed

信信學校第二年黎呢度搞春茗，我自己都幾鍾意呢度，因為夠近屋企！同埋呢度場地都寬敞，食物都幾好的！可惜今日信信突然病到，黎唔到表演同食飯，爸爸在家陪伴佢，唯有我同心心做代表出席！之前曾經幫教會揾場地搞晚宴時都同呢度的經理傾過，不過好係中間有柱，如果擺得多圍就未必就到，但真係想讚下呢度的裝飾，門口都有幾多打卡位，包括有靚的大sofa, 仲有個靚corner 同一些小飾物襯托！如果做婚宴應該都靚。我地今次擺左大約18圍，間左中間個位，出面仲有位擺散枱。食物方面其實都幾好，相信因為budget問題，菜式唔係咩貴嘢但反而覺得係平時去飲少食的，例如芝心百花球，我鍾意個芝士囉 另外有個雞頭米南瓜湯浸菜苗，我都唔知咩叫雞頭米，原來就是新鮮芡實，白色一粒粒，營養價值高的。條魚蒸得剛剛好！其他的菜式平均都OK好味，而且份量都幾多，可能因為細路仔多。