水剌韓饍 (Closed)

今晚我們去咗尖沙咀山林道「水剌韓饍」食晚飯！我們叫咗炆牛肋骨、辣八爪魚牛肉鍋、牛肉雪濃湯、炒粉絲牛肉！我們點完菜之後店員就攞咗啲餐前小食畀我們！有泡菜、菠菜、酸蘿蔔絲、黑豆、芽菜同最令我意外驚喜嘅牛肉餅！牛肉餅嘅肉味好濃郁同多汁，唔會又乾又韌！所有餐前小食都可以添食！炆牛肋骨嘅味道非常好，炆得非常入味同好腍！係本人嘅必食推介！炒粉絲牛肉嘅粉絲非常彈牙，唔太油膩，炒得好乾身，但牛肉嘅份量太少，少到幾乎揾唔到，就算揾到出嚟，仲幼過肉絲！辣八爪魚牛肉鍋嘅肥牛太肥，份量唔多，八爪魚都算新鮮，但粉絲嘅份量極之少，一人份量都嫌少！牛肉雪濃湯又係份量極度少，牛𦟌只得三薄片！總括嚟講他們出品嘅味道尚算唔錯，但份量真係極之少！