ZERO (Closed)

今日我們喺旺角朗豪坊睇完戲之後去咗新開無幾耐嘅「ZERO」食晚飯！一開始喺我們諗緊想叫咩食嗰陣，店員就向我們推介話有自選薄餅可以畀我們自己揀鍾意咩材料，所以我們就叫咗個自選薄餅：巴馬火腿、蒲燒鰻魚、白銀魚柳同蝦，一開始以為呢個配搭係好創新，點知一食落就覺得「出事喇」，因夾埋一齊嚟食嘅感覺超怪，雖然鰻魚嘅肉質好軟滑彈牙，巴馬火腿嘅份量亦好足料，但夾埋味道超級鹹嘅白銀魚柳一齊食，真係鹹上加鹹，所以喺自選材料嗰陣，真係要非常謹慎！另外我們再叫咗蒸松露蝦蓉粉包係用軟滑嘅越式粉皮包著芳香爽口嘅松露蝦蓉，食落口感好豐富，另外旁邊仲有一隻溫泉蛋，而且流心嘅效果做得相當好，呢個crossover真係做得好出色！因為自選揀咗個失敗配搭嘅薄餅，所以我們都係叫返個正常傳統嘅意式辣肉腸薄餅，餅底係薄批，批邊焗得好香口脆身，中間位置嘅質感好煙煙韌韌，辣肉腸嘅味道都幾夠香辣，至於其他材料亦不過不失，而且份量都幾足料！