隱世雞 (Under Renovation)

呢間小店，堪稱全個大角咀， CP值最高嘅一間！佢唔單止食物出色，毫無味精，非常健康，而且非常便宜，佢嘅下午茶menu仲做到夜晚時分！無論堂食或者買返屋企，都絕對抵食! 今日我選擇咗堂食，咁啱有一對老人家喺度飲酒同食飯，年輕嘅後生店員（係個靚仔！）竟然好有心機咁同佢地傾偈，實屬難得！新一代嘅年輕人，就算仔女都未必咁有耐性啦，值得一讚，咁嘅年青人，實屬少見！講返食物，佢嘅炸龍躉係必選，唔油膩，亦非常鬆脆！我次次都會改要米粉，吸埋啲湯，好好食，而家加錢仲可以要埋「學斗」（係蔬菜），而d菜都係雞湯浸，味道鮮甜好味！真係冇得輸，值得推介！👍🏻👍🏻👍🏻