Muse Furniture Lab (Under Renovation)

今日山長水遠，去到錦上路呢一間”Muse Furniture Lab”，見網上啲人影啲相打卡都好靚，所以特登嚟試一試。其中一點做得唔好嘅，就係一入到去職員同我地講用餐時間得85分鐘，但間餐廳主打嘅係慢活享受，但得85分鐘點叫人慢活？🤔食物方面，兩個人嗌咗：1）Latte ⭐️⭐️/⭐️⭐️⭐️⭐️⭐️2）Cappuccino ⭐️⭐️/⭐️⭐️⭐️⭐️⭐️3）紫心香芊丸 ⭐️⭐️⭐️/⭐️⭐️⭐️⭐️⭐️4）黑松露香煎帶子大蝦法式可麗餅 ⭐️⭐️⭐️/⭐️⭐️⭐️⭐️⭐️5）墨西哥辣椒墨魚鬆蜆意大利粉 ⭐️⭐️⭐️⭐️/⭐️⭐️⭐️⭐️⭐️咖啡方面可以用平庸來形容，咖啡香唔出，奶香亦都唔出，明顯不是鮮奶；紫心香芊丸不過不失，呢樣食物好難唔好味；可麗餅好耐都未食過所以試吓，個賣相唔錯，但味道一般，冇咩記憶點；最後黎到墨西哥辣椒墨魚鬆蜆意大利粉，全日最好味就係呢個，份量多，用料亦足，食落好惹味。最後兩個人埋單$543，個人覺得價錢偏貴，打卡位亦都比想像中無咁靚，可能我去嗰日天氣唔係太好，性價比偏低，唯一可取嘅地方就係職員服務親切，而餐廳位置偏僻，除非係自己有車或者住附近，否則可以不了。