Sole Coffee (Closed)

呢間餐廳平時朝早都會間中嚟飲杯咖啡再返工，鐘意佢環境夠relax,咖啡又好味。今日打完針晏啲先返工 就嚟呢到食午餐。揀咗個比較日式風味嘅意粉 ，日式蟹膏醬松葉蟹肉忌廉意粉 ，賣相好靚 ，蟹膏味好夠濃又香，再加埋個魚籽同木魚碎鋪面，味道好夾又豐富 ，蟹肉分量好足，一絲絲蟹肉，意粉煮得時間岩岩好，完美，食完好滿足。咖啡叫咗杯flat White ， 呢款咖啡豆味道偏向nutty, 堅果味重啲回甘亦都好夠個奶泡打得夠厚身同埋，放咗一陣都唔會散開，奶泡密度夠高，水準依舊，讚。食完令人滿意嘅午餐叉返電開工，絕對有下次。