夏麵館 (新都城中心二期)

Open Now

Now Closed

這店前身係上海婆婆，當時我都屬於一個常客，因為唔算貴，食品質素都ok。當知道會開夏麵館係開心嘅，因為之前去過其他分店係不錯的。但就諗食物價格可能會貴一截，咁就少咗個「飯堂」。等咗一大輪終於開了，過咗「新屎坑期」無咁多人時就去試試。.食物用料夠新鮮，上檯時夠熱，調味唔會過份濃味，分量正常。以上條件下，但價錢同以前上海婆婆差唔多，真開心😃.舒適度方面...通常我兩個人去食，試過二人檯會有點點迫夾，其實張二人檯唔叫太細，但檯上又隔板又調味架等東東就好似有啲迫，但都可接受啦。但試過早去唔多人時都會畀4人檯，唔會吝嗇大檯，這點不錯。.另外服務方面要讚讚，不論看似有經驗嘅..到新上手嘅後生仔就好有禮貌，進店/離開/上菜/收碟都有禮貌，唔係機械式禮貌果種，賓至如歸就係呢啲。反而有啲再高級嘅餐廳都做唔到應有嘅禮儀。.希望keep住水準啦，好多時啲餐廳開耐咗就開始hea。