菊一巷 (Closed)

這間餐廳位於鰂魚涌，喺餐廳店舖環境都算唔錯，相當之有氣氛，可以話係同朋友食下野傾吓偈唔錯嘅地方選擇之一！而且我同朋友不約而同咁都搵咗呢間餐廳，果然心有靈犀❤️食串燒當然唔少得一定要食燒雞翼啦哈哈，正所謂燒雞翼我鍾意食呀嘛！呢個燒雞翼好正，加咗少少芝麻喺上面，而且燒得啱啱好，咬落去竟然好Juice！另外仲有一個燒油甘魚鮫，一般係出面食到嘅都係三文魚，不過呢度竟然有油甘魚，所以就好想試吓！果然不出我所料，真係好高質嘅菜式！燒完之後更加可以帶出到油甘魚嘅香味！鍾意食油甘魚嘅一定要試吓！