Video
Read full review
2024-09-11
249 views
今日去咗葵芳探bb同bb玩，玩完之後就去新都會tea time，朋友就揀咗係5樓既the pantry 。餐廳環境好寬敞，因為分開咗2邊，座位好闊好鬆動，裝修又好優雅，成個氣氛都好舒服☺️每張凳下邊都有個籃俾你放物品，十分之貼心🫶Waffle Combo $118有三款唔同口味嘅窩夫，每款有兩件，可以同朋友share食，窩夫嘅吉士餡，忌廉都唔會太甜。加埋新鮮生果，甜而不膩，啱晒啲想食甜品但又怕甜嘅朋友仔🤓Cast Iron French Toast $65法式多士好新鮮！外皮煎得香香脆脆，內裏好軟滑，加埋啲拖肥碎碎，配埋一定唔會輸嘅雲呢拿味雪糕。我自己都KO咗成碟，真係好好食🤤Salmon Risotto Bowl $168成個意大利飯用咗麵豉去煮，比較偏日式嘅做法。味道特別得來，加埋日式溫泉蛋，撈埋晒成個飯好好味好夾👍🏻飯既texture唔會太硬，亦都唔會太腍，幾有咬口。三文魚好新鮮，煎到外脆內滑，保留返佢原汁原味🤩Calamari Squid Ink Pasta $142墨魚圈又大又新鮮，仲要切到好厚但又唔會煮過龍。Pasta煮到岩岩好，夠晒al dante 仲好掛汁！Chocola
餐廳環境好寬敞，因為分開咗2邊，座位好闊好鬆動，裝修又好優雅，成個氣氛都好舒服☺️每張凳下邊都有個籃俾你放物品，十分之貼心🫶
Waffle Combo $118
有三款唔同口味嘅窩夫，每款有兩件，可以同朋友share食，窩夫嘅吉士餡，忌廉都唔會太甜。加埋新鮮生果，甜而不膩，啱晒啲想食甜品但又怕甜嘅朋友仔🤓
Cast Iron French Toast $65
法式多士好新鮮！外皮煎得香香脆脆，內裏好軟滑，加埋啲拖肥碎碎，配埋一定唔會輸嘅雲呢拿味雪糕。我自己都KO咗成碟，真係好好食🤤
Salmon Risotto Bowl $168
成個意大利飯用咗麵豉去煮，比較偏日式嘅做法。味道特別得來，加埋日式溫泉蛋，撈埋晒成個飯好好味好夾👍🏻飯既texture唔會太硬，亦都唔會太腍，幾有咬口。三文魚好新鮮，煎到外脆內滑，保留返佢原汁原味🤩
Calamari Squid Ink Pasta $142
墨魚圈又大又新鮮，仲要切到好厚但又唔會煮過龍。Pasta煮到岩岩好，夠晒al dante 仲好掛汁！
Chocolate & Strawberry Milkshake +$25/each
Tea set 可以加錢upgrade做Milkshake。朱古力奶昔入邊充滿着朱古力碎，唔會太甜，又有咬口。
士多啤梨奶昔入面有士多啤梨醬掛杯，充滿着濃濃嘅士多啤梨味，唔會假到似藥水🫰
服務方面真係要俾足100分❗️
經理知道我哋同行有BB ，即刻安排咗BB凳
好細心咁安裝之後仲教我哋點樣用🥹
另外落單個陣，staff見到我哋有BB就特登remark左個飯煮腍啲+生蛋分開上，咁就可以方便BB食😍
今時今日咁嘅服務態度加觀察力，簡直攞滿分💯！十分推薦俾有bb既朋友 呢間絕對係baby friendly餐廳！🥰
好味度：8.5/10
回頭度：8.5/10
🎡餐廳資料
餐廳名稱：The Pantry Cafe
餐廳地址：葵芳興芳路223號新都會廣場5樓531-540號舖
營業時間：星期一至五 11:30-22:00 星期六至日 10:00-22:00
Post
