品越越式料理 (雅蘭中心) (Closed)

屋企人話想食越南野，就揀咗哩間試。閒日7點幾去唔使等位。揀咗梳化位坐，幾闊落，張枱都大，坐得幾舒服。香芒軟殻蟹米紙卷入面有芒果、軟殼蟹、青瓜，食落酸酸哋好開胃串燒拼盤正路串燒，牛肉幾好食，好淋唔韌。越南春卷超好食，上枱熱辣辣，掛住食都爭啲唔記得影相。蝦醬炒飯有扎肉有蝦，屋企人話蝦醬味唔夠，但我覺得ok。蒜蓉芥蘭屋企人鍾意食好淋嘅菜，特登叫佢煮淋啲而佢哋真係有照做。好欣賞佢哋。焗扇貝扇貝都算大粒，同埋有好多洋葱女侍應好勤力，密密斟水，又幫我哋換碟，可能因為平日唔算好多客，所以招呼都好啲。