HIKARI

有日睇Youtube見到佢地接受訪問先發現到小店，原來餐廳有唔少人氣食品，包括具特色嘅主菜、賣相精美嘅Tiramisu、打卡同味道都一流嘅拉花咖啡。礙於自己計劃當日會食下午茶🙊，所以同朋友只點兩款主菜。慢煮美國安格斯牛板腱新奧爾良飯 $158睇完個名都唔知新奧爾良會係咩味🤔，不過見係人氣食品，嚟到點都要試😏。第一啖食落會有一種熟識嘅感覺🤔，細嘗之下發現，原來係我平時用嚟整雞翼嘅Cajun粉，估唔到原來可以整成個汁煮飯，幾特別😯；另外個汁嘅酸味幾特出，令人開胃。牛板腱本身無乜油脂，所以常見食法都係薄切打邊爐，慢煮都係第一次食🙊。肉質軟淋、好易齒開、而且幾有肉香。成個飯我最中意嘅係飯嘅口感，偏硬得嚟又唔會覺得係生米，係我中意嘅口感。日本櫻花蝦蟹肉蘆筍扁意粉 $128一上枱就聞到香濃嘅櫻花蝦味!!!😌 大量嘅脆蝦仔舖面，每啖都有濃郁蝦香；配料除左蘆筍、磨菇、洋蔥外，仲有蟹肉，不過蟹味已經比蝦味完全蓋過，零存在感😅。忌廉汁厚薄適中，加入Paprika增添色、香，配埋偏硬嘅扁意粉，好味到連碟底D汁都唔放過!!🤤🤣自己本身BOOK左下午2點，但早左差唔多1個鐘到，好彩識員都好彈性咁比我地入座。