Chapter 3 Steak Bar & Restaurant (Closed)

收工襯仲早，同女朋友去咗太子買花返屋企。買完哂嘢，時候都唔早，自自然然就會覺得肚餓，於是就喺附近搵食。旺角大球場附近想搵餐廳食嘢，當行係去花園街啦。去到花園街，好快就被「Chapter3」嘅環境同氣氛吸引咗，不自覺地就入咗去喇。「Chapter3」店內嘅裝飾環境同燈光，俾到人一種好chill好relax嘅感覺，坐喺餐廳度，成個人都覺得好舒服。打開餐牌，食物同飲品嘅選擇都幾多，我哋就叫咗少少嘢食同兩杯飲品。日本飛驒牛漢堡：依個漢堡真係有驚喜。上枱嘅時候，見到個漢堡大大個，芝士都流哂出嚟，原全係超出我嘅預期。雖然飛驒牛係製作成漢堡扒嘅型式，但仍然食到飛驒牛嘅肉香同Juice，非常之好食，而且價錢合理，絕對可以稱得上係高CP值。紐倫堡腸拼盤：一隻好長好長嘅木碟，裝住三款肉腸。邊隻打邊隻我就唔識分喇，只知道好好食。兩條幼長嗰款食落鹹鹹香香的，口感同普通腸仔相約；中間一餅嗰款就肉咪香啲重啲，食落淋淋咁；另一邊切開咗嘅一款就白雪雪咁，好彈牙好有口感。三款腸仔各有特式，我哋都好中意。Blue Diamon：依杯係一杯荔枝味嘅cocktail。荔枝味好重好濃郁，但又無完全蓋過vodka嘅味道，加上半沙