Video
Read full review
2022-02-15
2302 views
雖然唔知幾時有得晚市堂食，或者唔打針可能以後無得堂食，原來有得坐響餐廳好好食一餐都要珍惜。希望大家有機會就去食下好西，特別係撐自己人小店！呢間為食龍最出名就係腐皮壽司，唔係平時壽司店最平既腐皮壽司，而係價錢相對貴既爆餡腐皮壽司。今次點左炙蟹膏厚燒玉子 $32 及柚子左口魚 $33，賣相吸引，大大件係幾好食，但我覺得又未特別好食到值30幾蚊一件壽司。相若價錢，我比較推薦免治雞肉軟骨棒伴日本生雞蛋 $78兩串，口感豐富，伴生蛋醬油是絕配！不過獨特性無腐皮壽司咁高就是了。蜜糖芥末炸雞 $89 大件夠脆皮，醬汁包住炸雞又唔覺膩，肉嫩唔柴皮，好食！日式鰻魚蛋包飯 $198 呢個係飽肚主食，蛋夠滑，而且鰻魚好大條！大滿足！！奶蓋白玉烏龍 $62 呢個奶蓋鹹鹹地，烏龍茶清清地，加三粒好煙韌既白玉，唔錯。最後加點一份甜品又係格仔餅又係窩夫窩夫 $128 選了抹茶白朱古力口味。賣相唔錯，但味道超甜，特別係塊抹茶朱古力！而呢個價錢我亦覺得唔太值，有少少失望。呢一餐如果無叫甜品的話，價錢以及滿意度會高好多。不過餐廳整體而言都唔錯，佈置裝飾以及食物賣相都打卡able，不過建議提早訂座，以獲安排較佳座位位置，我
雖然唔知幾時有得晚市堂食，或者唔打針可能以後無得堂食，原來有得坐響餐廳好好食一餐都要珍惜。希望大家有機會就去食下好西，特別係撐自己人小店！
呢間為食龍最出名就係腐皮壽司，唔係平時壽司店最平既腐皮壽司，而係價錢相對貴既爆餡腐皮壽司。
今次點左炙蟹膏厚燒玉子 $32 及柚子左口魚 $33，賣相吸引，大大件係幾好食，但我覺得又未特別好食到值30幾蚊一件壽司。
免治雞肉軟骨棒伴日本生雞蛋
$78
26 views
0 likes
0 comments
相若價錢，我比較推薦免治雞肉軟骨棒伴日本生雞蛋 $78兩串，口感豐富，伴生蛋醬油是絕配！不過獨特性無腐皮壽司咁高就是了。
蜜糖芥末炸雞
$89
50 views
0 likes
0 comments
蜜糖芥末炸雞 $89 大件夠脆皮，醬汁包住炸雞又唔覺膩，肉嫩唔柴皮，好食！
日式鰻魚蛋包飯
$198
39 views
0 likes
0 comments
日式鰻魚蛋包飯 $198 呢個係飽肚主食，蛋夠滑，而且鰻魚好大條！大滿足！！
奶蓋白玉烏龍
$62
28 views
0 likes
0 comments
奶蓋白玉烏龍 $62 呢個奶蓋鹹鹹地，烏龍茶清清地，加三粒好煙韌既白玉，唔錯。
又係格仔餅又係窩夫窩夫
$128
12 views
1 likes
0 comments
最後加點一份甜品又係格仔餅又係窩夫窩夫 $128 選了抹茶白朱古力口味。賣相唔錯，但味道超甜，特別係塊抹茶朱古力！而呢個價錢我亦覺得唔太值，有少少失望。
呢一餐如果無叫甜品的話，價錢以及滿意度會高好多。不過餐廳整體而言都唔錯，佈置裝飾以及食物賣相都打卡able，不過建議提早訂座，以獲安排較佳座位位置，我當日walk in只能坐在餐廳中央長枱，旁邊及對面都是其他walk in客人，靠透明膠版分隔。
Post
