權發小廚

Open Now

Now Closed

叫左$58 3餸飯，見咁多人排隊所以都想去試下。菜式的確好多而且望落都唔錯反而要諗一諗要揀食咩好。最後排到先知鱔會當兩個餸所以都唔緊要怕阻到人就叫左鱔同海鮮豆腐蒸蛋。份量得5舊話好食都算，但係鱔味道比較淡，比起其他兩餸飯鋪頭仲少反而人地仲平。不過講起淡都唔夠呢個海鮮豆腐蒸蛋既味道淡，淡到好似水咁。同樣，份量都係好少，而且都唔會值得呢個價錢。至於員工方面都唔洗講，一開始話要兩個三餸飯，結果收銀好心急問多次要咩，重覆多次又話知道咁我地係米要兩個三餸飯，冇野搵野話咁。入面啲姐姐當然都唔洗講，人多心急緊張明白，但係唔耐煩等等既情緒放曬上面，地方嘈大家聽唔到大家講野就好容易激動，雖然最後都冇咩特別，相信佢地都係太忙先會有咁既態度。最後都係番去食物味道同份量方面，希望可以盡量改善下，而可以值番呢個價。