Video
Read full review
2015-01-15
436 views
一向喜歡尋找小店尋覓美味小吃，經友人口中得知此區新開了一間拉麵店，由於此區有拉麵吃的店亦有幾間，一於去試下看看有沒有驚喜!此新店位處小巷內，鋪面裝潢不錯，燈光柔和的確吸引我的目光，也期待此店的湯和拉麵有沒有驚喜意外，可能是平日吧，晚上人客不多，入內即有坐位了，店員招呼親切，雖然地方不太大，但環境舒服，而且乾淨。坐下來看餐牌，啊?! 午市和晚市分別只有四款的湯麵選擇? (如附圖) 而沒有其他的小吃供應? 一刻間有啲失落添，不過心想，好味的食物精於幾款也會很好吧! 好! 我揀了酷鳴拉麵($78)，麵身揀了曲麵普通硬度 (可揀直麵、軟身或硬身) 加小蔥，並沒有額外加錢添配料 (如豬軟骨、粟米)。此麵以墨魚汁做湯底，配料包溏心蛋半隻、叉燒、紫菜、木耳絲和兩隻生蝦刺身，單看一個湯麵有咁多配菜很滿足啊! 而女友人則點了焰鳴拉麵($72)，小辣，配料有糖心蛋半隻、叉燒、櫻花蝦、蟹柳; 飲品方面，只有汽水或波子汽水選擇，最後我點了芬達($12) (汽水只有三種味: 可樂、cream soda和芬達)坐在吧台位，睇到入面有兩個計時器，唔知係咪用嚟計住煮麵既時間呢? (hehe)，好快，不用五分鐘湯麵便到
此新店位處小巷內，鋪面裝潢不錯，燈光柔和的確吸引我的目光，也期待此店的湯和拉麵有沒有驚喜意外，可能是平日吧，晚上人客不多，入內即有坐位了，店員招呼親切，雖然地方不太大，但環境舒服，而且乾淨。坐下來看餐牌，啊?! 午市和晚市分別只有四款的湯麵選擇? (如附圖) 而沒有其他的小吃供應? 一刻間有啲失落添，不過心想，好味的食物精於幾款也會很好吧! 好! 我揀了酷鳴拉麵($78)，麵身揀了曲麵普通硬度 (可揀直麵、軟身或硬身) 加小蔥，並沒有額外加錢添配料 (如豬軟骨、粟米)。此麵以墨魚汁做湯底，配料包溏心蛋半隻、叉燒、紫菜、木耳絲和兩隻生蝦刺身，單看一個湯麵有咁多配菜很滿足啊! 而女友人則點了焰鳴拉麵($72)，小辣，配料有糖心蛋半隻、叉燒、櫻花蝦、蟹柳; 飲品方面，只有汽水或波子汽水選擇，最後我點了芬達($12) (汽水只有三種味: 可樂、cream soda和芬達)
坐在吧台位，睇到入面有兩個計時器，唔知係咪用嚟計住煮麵既時間呢? (hehe)，好快，不用五分鐘湯麵便到了，賣相唔錯! 香味都吸引的。正期待先呷一口湯之際… 哇! 店員比咗支汽水埋嚟係細樽咖? 我飲幾啖已經飲完喇，要$12，好唔開心呀>,< ，我以為係罐裝咖，比罐裝我會開心啲囉>.< (靜默了半刻)，好，唔想影響自己食嘢既心情，唯有將呢份小小既唔開心寄望喺湯麵度。
飲第一小口湯，好似唔錯喎，再咬一啖麵, 一啖生蝦，都好，跟木耳絲一樣爽口的，麵身彈牙，一小啖湯配一小啖麵…啊? 點解搵唔到叉燒咖? 呀，原來啲配料檔住咗，哇，不得了! 啲叉燒好肥呀，唔係半肥瘦，而係多多肥，好似係淨咗落嚟再翻煮既感覺，我見到唔係太想食，嗚… 呢個湯麵份量唔算大，但愈食愈咸，最後都係食淨咗啲麵同遺棄咗啲叉燒，個湯好「黏」，「黏」住個口既感覺，溏心蛋其實不差的，但可能愈食愈膩(個湯既原因吧)，個蛋都只係食了一半。
至於女友人既焰鳴拉麵，我偷喝了兩啖湯，第一啖，哇! 好辣 (不是小辣嗎?) 第二啖，好酸唷! 個湯好似BB仔食既餬仔咁 ><” ……女友人個湯麵下埸是食唔晒。最後，我地用咗$172埋單，女友人話早知去對面鋪食串燒喇! 離場要去食翻個甜品補補先得…
基本上麵身唔差的，溏心蛋都好，但真係比個湯影響咗了，希望湯既調製可以有改善喇，還有，如果叉燒是必備的配料，那希望會再嚴選一下，至少不至於肥膩到沒了半胃口呢。
Post
