Video
Read full review
2020-08-15
209 views
唉，都係果句，我好少花時間寫食評，要我出手就真係⋯⋯我笫一次去長沙灣這邊搵食，本來目標係去Contrast, 但勁多人排隊，冇得攞籌，但最大問題係烈日當空，我驚未入到去而經曬黑甚至中暑，唔值得。唯有search附近cafe, 搵到這間Boholic, 見冇乜人等位，即管試下（之後我知原因了）。等咗大約三十分鐘，女侍應叫我個姓，我立即舉手行到佢面前，在大約30cm的距離，佢再次好大聲問多我一次係咪姓X，我立即話係，佢繼續好大聲讀出我的電話號碼，我立即話得啦係呀。我心諗，你咩事呀？我都巳經係你面前啦，你使唔使咁大聲讀我電話出來。一入門口就見到鞦韆這個出名既打咭位，然後⋯⋯就係得咁多，其餘裝修明亮正常囉。但最估唔到原來有二樓，侍應帶我上去，裝修好一般，同樓下差好遠，我本身唔係打咭呃like既人，所以冇所謂，但如果你係既話，你最好試下攞位時註明一定要坐樓下，如果唔得既話，我勸你無謂嘥時間了。我最重要係食物質素，睇完個menu, 唉，選擇又少又普通，我點了蟹肉牛油果貝果包配厚切薯條, 我朋友點了假日拼盤，飲品點了凍水果茶。點餐後我除口罩飲啖水，然後帶返口罩，此時男侍應走過來話我：「食物未到前你要
我笫一次去長沙灣這邊搵食，本來目標係去Contrast, 但勁多人排隊，冇得攞籌，但最大問題係烈日當空，我驚未入到去而經曬黑甚至中暑，唔值得。唯有search附近cafe, 搵到這間Boholic, 見冇乜人等位，即管試下（之後我知原因了）。
等咗大約三十分鐘，女侍應叫我個姓，我立即舉手行到佢面前，在大約30cm的距離，佢再次好大聲問多我一次係咪姓X，我立即話係，佢繼續好大聲讀出我的電話號碼，我立即話得啦係呀。我心諗，你咩事呀？我都巳經係你面前啦，你使唔使咁大聲讀我電話出來。
一入門口就見到鞦韆這個出名既打咭位，然後⋯⋯就係得咁多，其餘裝修明亮正常囉。但最估唔到原來有二樓，侍應帶我上去，裝修好一般，同樓下差好遠，我本身唔係打咭呃like既人，所以冇所謂，但如果你係既話，你最好試下攞位時註明一定要坐樓下，如果唔得既話，我勸你無謂嘥時間了。
我最重要係食物質素，睇完個menu, 唉，選擇又少又普通，我點了蟹肉牛油果貝果包配厚切薯條, 我朋友點了假日拼盤，飲品點了凍水果茶。
點餐後我除口罩飲啖水，然後帶返口罩，此時男侍應走過來話我：「食物未到前你要帶住口罩。」我心諗：咁你地俾杯水我做乜呀，我唔識帶住口罩飲水喎。我壓住道怒火，禮貌地同佢講：「我剛剛飲水咋喎，你咁講野就唔啱了。」佢一句道歉都冇就走咗去。
唉，等咗十幾分鐘上菜了，兩道菜擺盤正常（即係一般啦），我個bagel味道正常（即係一般啦）。我朋友個併盤就差d，雞翼太燶，迷你漢堡內果塊唔知咩肉就好柴，其餘都係正常（即係一般啦）。最大鑊係杯凍果茶，味道本來已經好水，由於冷氣唔夠，冰溶得好快，令佢味道更水，加上冇杯墊，我要用紙巾包住隻杯避免一路飲一路滴哂d水在衫上。
最後，廁所勁細兼一陣臭味，馬桶超污糟。
總結：為食物的話，唔值；為影相呃like的話，更加唔值。
冇下次。完。
Post
