樂軒廚坊 (Closed)

今朝早餐時段叫咗個麥皮餐❨有麥皮，旦治，飲熱杏箱❩; 首先嚟杯杏箱，一望成杯洗米水加生粉水咁又淺色但又糊，再嚟麥皮又係稀星星仲有一塊塊碎粉糊狀嘅嘢喺入面，我問佢地喺咩嘢嚟，佢地話未攪混喎，其實只係得好少麥皮加咗好多水煮又點會唔混呢？我再問係咪隔夜麥皮翻熱，佢地話係即煮先會咁，好似以為我從未煮過同食過麥皮咁，最後我退咗個麥皮唔要，只係食咗件好細塊蛋又薄又凍嘅旦治，杯粉水杏箱我都實在飲唔落，咁佢就話收我三文治餐個價成惠$32.蚊❨超唔值❩。 附加內容，水吧個姐姐仲除咗口罩同個無食嘢又無戴口罩嘅熟客傾偈。