Video
Read full review
2021-03-24
401 views
呢間餐廳之前食過觀塘分店覺得唔錯，今次就嚟食油麻地分店，估唔到食物質素差咁遠！ 一早喺OpenRice訂咗位，去到準時入座，叫完嘢食之後第一碟上菜係生蝦！我哋3個人每人食一隻都覺得非常之唔新鮮，蝦好「梅」，「梅」到林patpat, 感覺就好似解凍咗好耐唔新鮮嘅生蝦，之後同店員反映，話覺得唔太新鮮，我哋都係唔要。店員唔覺得有咩問題，仲堅持覺得啲生蝦冇問題。我哋話因為生嘅唔新鮮怕會食咗唔舒服，成碟俾返佢，叫佢可以自己試吓。因為始終疫情問題，晚市恢復冇耐，好多餐廳都會有較多存貨，而有機會令到食物新鮮度有所影響，同埋食落口感我哋每一個都覺得有問題！喺整個過程之中我哋從來冇諗過要退錢或者叫佢拎過碟新嘅出嚟。因為我哋真正想話俾佢知係食物問題！之後另一個店員聲稱自己試咗覺得冇問題，咁我哋亦都冇再同佢討論。佢哋話其他客人食咗都冇問題。 成餐飯我哋都叫咗好多食物，其他食物我哋完全冇話有問題，好唔好食另計。但係生蝦真係有問題！到埋單我哋一樣係照俾埋生蝦個錢，佢亦都照計我地。其實冇問題，我哋絕對係認為食物質素有問題而反映，如果唔係都唔會成碟冇食俾返佢，但係餐廳嘅回應實在令人失望！ 以後都唔會去！以下係我哋叫
呢間餐廳之前食過觀塘分店覺得唔錯，今次就嚟食油麻地分店，估唔到食物質素差咁遠！ 一早喺OpenRice訂咗位，去到準時入座，叫完嘢食之後第一碟上菜係生蝦！我哋3個人每人食一隻都覺得非常之唔新鮮，蝦好「梅」，「梅」到林patpat, 感覺就好似解凍咗好耐唔新鮮嘅生蝦，之後同店員反映，話覺得唔太新鮮，我哋都係唔要。
店員唔覺得有咩問題，仲堅持覺得啲生蝦冇問題。我哋話因為生嘅唔新鮮怕會食咗唔舒服，成碟俾返佢，叫佢可以自己試吓。因為始終疫情問題，晚市恢復冇耐，好多餐廳都會有較多存貨，而有機會令到食物新鮮度有所影響，同埋食落口感我哋每一個都覺得有問題！
喺整個過程之中我哋從來冇諗過要退錢或者叫佢拎過碟新嘅出嚟。因為我哋真正想話俾佢知係食物問題！之後另一個店員聲稱自己試咗覺得冇問題，咁我哋亦都冇再同佢討論。佢哋話其他客人食咗都冇問題。
成餐飯我哋都叫咗好多食物，其他食物我哋完全冇話有問題，好唔好食另計。但係生蝦真係有問題！
到埋單我哋一樣係照俾埋生蝦個錢，佢亦都照計我地。其實冇問題，我哋絕對係認為食物質素有問題而反映，如果唔係都唔會成碟冇食俾返佢，但係餐廳嘅回應實在令人失望！ 以後都唔會去！
以下係我哋叫咗嘅食物！
生蝦刺身10隻$98
蝦餅3件$58
咖哩花甲煲$108
蒜蓉包叫咖喱+$30
薄餅$48
菠蘿炒飯$128
馬拉盞炒芥蘭$68
椰青2個$46@
龍眼冰
Post