Video
Read full review
2018-09-12
818 views
如果唔係太特別既野都唔會喺度留評！但今次既食飯經驗真係好深刻！一入座侍應帶我同老公座最近廚房既枱，直到order 完食物都一直無事發生～五分鐘後聽到廚房有人大叫、喧嘩，就引起我注意（雖然係廚房，但我個位係望到晒入面發生緊咩事）仲要我既聽覺一向都好靈敏。一路聽到煮緊野食、一路就有人喺廚房大聲講野、講粗口，其實咁樣都已經感覺好大排擋，我心諗你收成$180-$250一個main cours，然後比客聽到廚房傳出呢啲聲音！都算喇！！ 最最最離譜既係比我聽佢喺入面一路煮緊野食，一路講‘哎呀！我好急屎呀！’‘嘩真係好急屎呀’連續聽左五分鐘🤮🤮🤮🤮 順帶一提廚師係女人！上左第一道菜，我真係頂唔順，同侍應講想調位。 佢問我：點解？我就話：一路等緊野食黎，一直都聽到廚房有人好大聲講野，咁樣好影響我食野心情，我想問下講野嗰個係咪廚師？佢：面露尷尬，但唔比我調位，因為就快收工會收返門口啲野入舖。我：如果係個廚不停咁講野又煮緊野食我會覺得佢噴晒啲口水落去我啲野食度囉！佢：咁佢地做左成日野都要舒發下既，真係唔好意思喇！然後侍應無意入去反映，繼續企喺我面前。我同佢對望，再講一係我同廚師講聲ok?佢：哎呀....咁
一入座侍應帶我同老公座最近廚房既枱，直到order 完食物都一直無事發生～
五分鐘後聽到廚房有人大叫、喧嘩，就引起我注意（雖然係廚房，但我個位係望到晒入面發生緊咩事）仲要我既聽覺一向都好靈敏。
一路聽到煮緊野食、一路就有人喺廚房大聲講野、講粗口，其實咁樣都已經感覺好大排擋，我心諗你收成$180-$250一個main cours，然後比客聽到廚房傳出呢啲聲音！都算喇！！
最最最離譜既係比我聽佢喺入面一路煮緊野食，一路講‘哎呀！我好急屎呀！’‘嘩真係好急屎呀’連續聽左五分鐘🤮🤮🤮🤮 順帶一提廚師係女人！
上左第一道菜，我真係頂唔順，同侍應講想調位。
佢問我：點解？
我就話：一路等緊野食黎，一直都聽到廚房有人好大聲講野，咁樣好影響我食野心情，我想問下講野嗰個係咪廚師？
佢：面露尷尬，但唔比我調位，因為就快收工會收返門口啲野入舖。
我：如果係個廚不停咁講野又煮緊野食我會覺得佢噴晒啲口水落去我啲野食度囉！
佢：咁佢地做左成日野都要舒發下既，真係唔好意思喇！
然後侍應無意入去反映，繼續企喺我面前。我同佢對望，再講一係我同廚師講聲ok?
佢：哎呀....咁樣好難做架喎！
我：咁你比我轉後啲既位，我唔想聽到廚房傳來既聲音，唔該！
佢：我地真係要收野入舖唔夠位擺！
我：你幾點收？
佢：9:30
我：而家先8:30，一個鐘唔洗我都食完走啦！
咁先肯同我調位......
事實上食物味道係好既！但我都唔會再黎食野囉！
完
Post