Video
Read full review
2014-08-02
2743 views
是日同柑太去睇戲，睇戲前就先食個日本野，於是就幫襯呢間板長分店等左一陣就入得去，一入到去發覺好多一家大小都係度食野，雖未至於好嘈，但見侍應呢個忙於落單，果個忙於上菜，就連上茶都唔得閒上，我叫左兩三次先有人奉茶，證明呢區既競爭真係好少...被安排坐係刺身bar旁，睇下刺身師傅放魚，幾有高檔次既日本料理感覺。該日推介係海膽刺身飯，開正肥柑太果辮，但由於佢唔食三文魚，就要求將三文魚換第二樣野，但唔知點解上菜果陣都照上有三文魚既飯畀佢，結果要再交涉過先換左無三文魚既飯出黎前菜既麵豉湯中規中矩，沙律既柚子汁配菜就好好食，車厘茄唔酸好清甜海膽唔算太新鮮，但無腥味，油甘魚有油兼鮮甜，而鱆紅都好有咬口，不過個飯仲係熱熱地，咁會搞到d刺身變得唔好食，但整體成個飯都合格以上。我叫左豚肉飯定食，出黎既分量比想像中多，燒得好入味，咬落唔硬而有汁，飯底唔乾身，每啖飯都鬆軟。而豚肉同燒蔥混合出黎既香味非常野味，而且因為分量多，食到最後，即使食晒d飯，仍然有豚肉未食完，真係o岩晒d食肉獸。之後食完個飯，大家都係覺得未夠喉，於是再叫多一串燒物，點左豚肉紫蘇香梅燒，一人一啖剛剛好，燒豚肉既肉汁極多，以帶酸既梅汁同埋燒到
等左一陣就入得去，一入到去發覺好多一家大小都係度食野，雖未至於好嘈，但見侍應呢個忙於落單，果個忙於上菜，就連上茶都唔得閒上，我叫左兩三次先有人奉茶，證明呢區既競爭真係好少...
被安排坐係刺身bar旁，睇下刺身師傅放魚，幾有高檔次既日本料理感覺。
該日推介係海膽刺身飯，開正肥柑太果辮，但由於佢唔食三文魚，就要求將三文魚換第二樣野，但唔知點解上菜果陣都照上有三文魚既飯畀佢，結果要再交涉過先換左無三文魚既飯出黎
前菜既麵豉湯中規中矩，沙律既柚子汁配菜就好好食，車厘茄唔酸好清甜
海膽唔算太新鮮，但無腥味，油甘魚有油兼鮮甜，而鱆紅都好有咬口，不過個飯仲係熱熱地，咁會搞到d刺身變得唔好食，但整體成個飯都合格以上。
我叫左豚肉飯定食，出黎既分量比想像中多，燒得好入味，咬落唔硬而有汁，飯底唔乾身，每啖飯都鬆軟。而豚肉同燒蔥混合出黎既香味非常野味，而且因為分量多，食到最後，即使食晒d飯，仍然有豚肉未食完，真係o岩晒d食肉獸。
之後食完個飯，大家都係覺得未夠喉，於是再叫多一串燒物，點左豚肉紫蘇香梅燒，一人一啖剛剛好，燒豚肉既肉汁極多，以帶酸既梅汁同埋燒到脆脆地既紫蘇葉一夾，入口既層次好多元化，甜中帶酸，而軟中帶脆，呢個菜色真係做得幾出色。
最後飲品叫左咖啡同雪米滋，大路野無乜特別既地方。成個餐既前菜同主菜都算做得水平之上，唯一問題真係侍應落單方面有挑剔，唔計我果檯，見其他檯都有因為落單計算方面有問題，見佢地既經理經常要大呼小叫叫侍應做呢樣做果樣，以雪村走高檔次路線黎講真係有少少失望。
Post
