好滾得 (Closed)

星期日約左朋友食飯,雖然天氣凍返,特別係夜晚,所以好適合打邊爐,我地就去搵下火鍋店我地大約9點出到去,去左依間好滾得,由於之前無訂位,所以黎到都要等位,經濟太好,個個都出街食飯等左30分鐘,坐低就即刻叫野食依個叫做火焰卜卜蜆煲,話明火焰,一定要有火先收貨原來佢真係會加左酒之後再噴火落去,好有功夫表演既感覺之後再滾多陣,就食得啦已經聞到好香既蜆肉味蜆肉本身好新鮮,再加上酒味,變得香濃又惹味而且食左好多隻都無沙,餐廳真係好認真做個後整過程雖然蜆煲好大好多蜆,但2個男仔點都要食肉,所以我地食埋火鍋依個蔬菜拼盤叫做葵花寶典,個名好有型味道好新鮮,粟米好鮮甜,用料好有保証依個唔係普通既響鈴,係紫菜響鈴,入面有紫菜嫁響鈴本身都好脆,所以唔可以放落湯度太耐,如果唔係會林曬入面既紫菜都好有味道,絕對唔係配襯品黑松露鮮蝦餃子,本身唔係成日食餃子既人,但依個餃子真係幾好食,咬落好香黑松露味,好特別其他野食味道都唔錯,同埋食得好飽,價錢又唔貴,好抵食