ADD! (Under Renovation)

之前呢間麗新營運時我食過好多次，之後見佢換咗名應該係換咗第二個經營，個人唔太關注，講到底用食物質素同用餐體驗先最重要。今次嚟係同個好耐冇見剛回港嘅朋友食飯，朋友本身冇嚟過西九食飯，所以約食飯時二話不說約呢度試吓改名之後係點。我係去食晏嘅，嗰日根據職員介紹係叫主 餐跟中/西湯，西餐主菜額外跟沙律。朋友叫咗中左我叫咗西式。沙律新鮮，西湯係行貨不過可以收貨，朋友覺得中湯都可以接受。我個意粉係素嘅，幾清新，唔係嗰啲一味creamy嗰啲，個人覺得係個唔錯嘅嘗試。中式嘅炒粉絲以炒粉絲嚟計唔算太油。食到半路，上咗個小甜品，一問之下先知原來西式主菜仲會跟個甜品，掛住食唔記得影相。是日甜品係芝士蛋糕，冇撞板。整體而言不過不失，但就係有啲伙crew生手好多嘢都答唔到，要去問人。例子之一就係有甜品都冇講，分分鐘左右點菜嘅决定㗎嘛。