嚐越 (Closed)

我寫的都是荃灣廣場L4分店! 新開張去試下，看價錢不算貴，叫了一最貴的二人套餐都係$208。不過食物質素就好麻、麻，套餐食物出的次序亂晒龍，似乎那一樣最易做就先出那樣。味道就似食即食麵，總不會難食，但就是好一般的味道。成個套餐有七樣食物，但就好似搵唔到邊個係主菜，樣樣都好似係前菜咁細細份，不過加埋還都算飽。最大份係雜菜窩，一堆納納雜雜蔬菜煮埋一砵，照計唔會有乜味道，但係又食到很例牌的鮮甜味（我估係味精）。無乜吸引再去第二次。值得一讚的應該是服務，待應們都很忙的走來走去。但即使做緊嘢，人客一招手都會立即反應，而且能感受到服務是熱誠有禮的。