陶源酒家 (Closed)

同小朋友去完科學館近近地對面見到呢間酒家貪方便去食。布腸粉有異味，賣相可以但食落酸酸地。撈粗面成碗都係面，係好大碟啊，但係叉燒肉顏色又怪有幼絲，真好唔多吸引。香芒沙律脆蝦筒有異味，睇落唔多新鮮，但剛炸起叫做夠熱，不過顏色太殘感覺好唔自然。蒸鳳爪好多醬，皮都炸過，唔似食緊鳳爪皮，好油膩。不過只熊貓流沙包就係最好味嘅一樣。呢篇係我生平寫嘅第一篇OpenRice食評，因為食完真係好有感而發，頂唔順好想俾個喊樣😭😢。都要$434，早知去茶餐廳都有靚檸檬茶飲。