Video
Read full review
2024-06-06
39 views
同朋友行觀塘海濱公園散步，由觀塘起步行到尾其實都幾長幾攰🙈🤣 於是就喺個邊搵吓有冇好西食，結果就揀咗喺海濱匯嘅呢間海街丼😍 環境好優雅，裝修好新淨，店員都好有禮貌，第一印象已經好好！😆醬汁吞拿魚丼 ($200)丼飯有醃過嘅呑拿魚、呑拿魚蓉加三文魚籽。醃過既吞拿魚好大塊好厚，好有咬感。味道方面，即使唔點豉油都好，完全冇腥味，醃料令到吞拿魚口感更加豐富，好match ！吞拿魚蓉好滑又多，都係冇腥味，吞拿魚愛好者一定要嚟試！三文魚籽同上！😍😍 仲有！呢個丼飯除咗1️⃣ 就咁撈Wasabi同豉油食之外，仲有兩種食法🤩 2️⃣ 將附送嘅壽司醋果凍撈埋落啲飯一齊食。佢係好似一嚿落咗醋嘅啫喱，食落幾開胃，味蕾受刺激😆3️⃣ 食到剩返1/3，可以將廚師們親自用鮮魚秘製熬成嘅魚湯（魚介出汁），仲有碟上面嘅其他配料倒落個飯度，變成茶漬飯咁食，呢個食法又有另一種風味。魚湯仲係暖既，飲落去好鮮甜，好似褪去食Wasabi嘅濃烈，而溫暖腸胃嘅感覺，值得一試！🫰(放心，唔明可以問，職員都好客氣有禮貌👍🏻👍🏻)鰻魚丼 ($155)鰻魚飯都好好食，鰻魚燒得好香，魚肉極厚，感覺魚仲多過飯🤣 食落去好滑身，鰻魚汁落得啱啱好，唔會過鹹或
醬汁吞拿魚丼 ($200)
丼飯有醃過嘅呑拿魚、呑拿魚蓉加三文魚籽。醃過既吞拿魚好大塊好厚，好有咬感。味道方面，即使唔點豉油都好，完全冇腥味，醃料令到吞拿魚口感更加豐富，好match ！吞拿魚蓉好滑又多，都係冇腥味，吞拿魚愛好者一定要嚟試！三文魚籽同上！😍😍
仲有！呢個丼飯除咗1️⃣ 就咁撈Wasabi同豉油食之外，仲有兩種食法🤩
2️⃣ 將附送嘅壽司醋果凍撈埋落啲飯一齊食。佢係好似一嚿落咗醋嘅啫喱，食落幾開胃，味蕾受刺激😆
3️⃣ 食到剩返1/3，可以將廚師們親自用鮮魚秘製熬成嘅魚湯（魚介出汁），仲有碟上面嘅其他配料倒落個飯度，變成茶漬飯咁食，呢個食法又有另一種風味。魚湯仲係暖既，飲落去好鮮甜，好似褪去食Wasabi嘅濃烈，而溫暖腸胃嘅感覺，值得一試！🫰
(放心，唔明可以問，職員都好客氣有禮貌👍🏻👍🏻)
鰻魚丼 ($155)
鰻魚飯都好好食，鰻魚燒得好香，魚肉極厚，感覺魚仲多過飯🤣 食落去好滑身，鰻魚汁落得啱啱好，唔會過鹹或者過淡🤤
兩個定食都有送漬物牛蒡，但係佢係醃過，酸酸甜甜，好爽脆，好好味😍仲有仲有！茶都好香，唔知係咪茉莉花綠茶(?)，可以飲幾杯都唔厭😚 餐廳喺餐具方面嘅設計都好有心，每一台嘅筷子座裝飾都唔同，好可愛😆
結論
🫰食物味道出色
🫰刺身新鮮
🫰食法特別
⚡️要行 （如果地鐵站過嚟，牛頭角站落就會近啲），但如果想安安靜靜同朋友傾吓偈聚下舊，呢度真係首選👯♀️👯☺️
好味度：9/10
回頭度：8.5/10
餐廳資料
餐廳名稱：海街丼 (海濱匯)
餐廳地址：觀塘海濱道77號海濱匯1樓13-14號舖
Post
