南翔饅頭店 (Closed)

朋友同我一樣鐘意上海同北京食物，第一次來呢度，當時晚上大約９點，我地入坐後，都唔知係唔夠人手定招呼唔週到，等極都無人理我地，叫佢地拿水來先，原來係要叫茶既，每人 $10 。我地３人要左烏龍茶，菊花茶，玫瑰花茶，茶好香，但杯好細，飲２口就無晒，我地唯有一面食就一面自己走去拿個壼來沖茶（因為叫都無人得閒理我地，明明有個女部長係隔離），我地沖過幾次覺得好煩走來走去，咁放左個壼係台面，果個女部長見到，面黑咁就扮晒野咁走來話（做咩個壼放係度），真係好唔開心，無人招呼自己來重要睇人面色，唯有我地自己走來走去咁沖水囉！炸饅頭好正，外皮輕脆，內裏軟熟，清炒豆苗，豆苗有香菜味，新鮮，而且有獲氣！薺菜小籠包，小籠包食得多，多數都係有肉，今次無肉，薺菜好香，好好味，我地３個都樹起手指公薺菜肉絲炒年糕，好好味呀　　薺菜香，年糕軟硬適中，正！我好想食高力豆沙，但朋友唔鐘意，咁唯有下次有機會先。共 $253一定會再來，但希望招呼好些。