南洋 (Closed)

今日第一次來食下午茶。老公叫咗肉骨茶配飯（$50）同越式春卷一條（$12）。我叫咗越式燒春雞拼雜菜（$55）同半份炭燒豬頸肉（$26），仲有兩杯跟餐飲品，我地要左熱檸茶。個人覺得性價比好高。首先炭燒豬頸肉真係好好味！雖然份量唔係好多，但係下午茶來講係好夠。然後，越式燒春雞拼雜菜好大份，熱辣辣上碟，老闆亦非常細心，有俾刀叉我之餘亦都有俾手套我。肉骨茶老公就話唔係佢食過最好味既，比較咸同埋肉係未煮得夠軟身。春卷都係熱辣辣，但得一條就有少少唔夠喉～所以嚟呢度叫野食就要識得揀適合嘅食物。整體來講，服務好好，野食又OK。兩個人埋單都係143 ，仲想點？如果係生酮飲食，或者低碳飲食的話都適合來呢度食飯！🤩🤩🤩🤩🤩 五星推介！