One & A Half (Under Renovation)

今次我係第三次嚟One & A Half餐廳食嘢。令我嚟呢度第三次嘅原因，好簡單，就係因為呢度嘅食物好味。😋👍呢間係日式同西式嘅料理。今次我叫嘅兩款食物都係西式。全日早餐同黑松露雜菌扁意粉。呢間cafe有全日早餐，想任何時候嚟食個早餐都得👍我本身好鍾意飲嘢，所以間餐廳如果飲品多種類的話，會係我鍾意呢度嘅其中一個原因。呢間有多款茶類、咖啡類飲品選擇，仲有幾款有雪糕嘅梳打特色飲品，藍色夏威夷飛雪、士多啤梨飛雪、柚子梳打飛雪、青蘋果梳打飛雪。仲要係好大杯，兩個人先飲得晒😍呢度仲有多款甜品同雪糕新地。好啱小朋友👍大人同細路都一樣咁開心。餐廳面積雖然唔係好大，但係裝修好優雅時尚。服務方面，呢度嘅員工都好友善，有禮貌同細心。呢間餐廳我下次都會再嚟，下次要再試吓其他食物同甜品。