Video
Read full review
2021-05-09
3022 views
母親節前夕餐廳提供「母親節暖心海鮮晚市自助餐」，價錢比佢地平時既自助餐貴少少，但係多咗雪場蟹腳同埋酥炸生蠔。雖然放野食既地方唔大，但係menu入面所有野食都有出現，絕對無呃人！冷盤溏心蛋最好食，花雕雞翼唔夠味，完全食唔到酒味，煙三文魚比較鹹，食落麻麻。海鮮都好新鮮，蟹腳唔會好細隻，有淡淡既海水味，讚！熟蝦都好彈牙，其他就一般。熟食最推薦係焗扇貝同埋酥炸生蠔，超級新鮮又好味！夠膽話好食過好多餐廳酒店！扇貝出咗兩轉就無再補啦，如果見到就要拎多兩隻。即煮station有海南雞飯，雞肉好滑，油飯就一般。切肉既牛西冷好味，唔會好老。麵檔有好多選擇，都好味。甜品就認真麻麻，不過有Movenpick，淨係食雪糕都夠啦！另外豆腐花有驚喜，好滑。本身對呢度自助餐無咩期望，但係食完竟然有驚喜，好滿意！
雖然放野食既地方唔大，但係menu入面所有野食都有出現，絕對無呃人！
冷盤溏心蛋最好食，花雕雞翼唔夠味，完全食唔到酒味，煙三文魚比較鹹，食落麻麻。
海鮮都好新鮮，蟹腳唔會好細隻，有淡淡既海水味，讚！熟蝦都好彈牙，其他就一般。
熟食最推薦係焗扇貝同埋酥炸生蠔，超級新鮮又好味！夠膽話好食過好多餐廳酒店！扇貝出咗兩轉就無再補啦，如果見到就要拎多兩隻。
即煮station有海南雞飯，雞肉好滑，油飯就一般。切肉既牛西冷好味，唔會好老。麵檔有好多選擇，都好味。
甜品就認真麻麻，不過有Movenpick，淨係食雪糕都夠啦！另外豆腐花有驚喜，好滑。
本身對呢度自助餐無咩期望，但係食完竟然有驚喜，好滿意！
Post
