寶蓮素食 (Moved) New Location

西汁香酥鴨: 今次d 素鴨炸得冇上次咁乾, 但係d 西檸汁同上次1樣都係冇乜味既.. 不過我好鍾意食腐竹(素鴨), 所以都覺得咁有腐竹既素鴨係好好味

既~

102 views

怡香鮮竹卷: 今次唔辣既, 但都係鹹鹹地, d 腐竹索晒d 汁, 好惹味, 超級好好味

!!!

95 views

蜜桃炆鮮竹: d 蜜桃係超級甜好好味~ 而醬汁都好甜, 所以d 腐竹都好甜~ 整體味道都好好味既~

108 views

點心齋鹵味: 雜錦齋鹵味~ 由上至下層數落有素鴨(勁惹味, 味道超爆正正正

!!!), 甜酸齋(1d 都唔酸, 好甜, 超爆正正

!!), 咖哩齋(咖哩味勁濃郁, 超爆正正

!!), 蠔油齋(甜甜地, 好好味~), 齋叉燒(麻麻地...) & 齋鴨腎(質感好似; 又好惹味, 超級好好味

!!!) ~ 不過今次冇左腐皮卷

... 如果有就接近perfect 了..~ 今次齋鹵味既整體味道係超爆正

!!!

78 views

枝竹炆鰻魚: 今次同上次既有少少唔同, 1 黎今次係唔辣既.. 2 黎今次嗰d 紫菜甩晒出黎, 冇上次既鰻魚卷咁靚.. 不過都係好好味既~ 但好多油><...

93 views

回窩炒素肉: 第1次叫呢個~ 原來d 回窩肉係素雞黎既~ 少少辣, 都好味~

94 views

琵琶炸豆腐: 同上次1樣都係超爆正

好好味!!! 唔似平時既炸豆腐, 而係面粉團入面混合左d 豆腐碎&髮菜, 再拎去炸, 之後再加d 醬汁炒兩下~ 食落有d 脆脆地, 有d 就腍腍地, 好似炸油條點粥食咁, 勁香口超惹味!!! 不過都係襯熱食先好食, 凍左爭好遠/_\... 另外, 如果唔想食d 菜, 可以叫走菜既, 切勿浪費食物呀

!!!

100 views

另外, 原來素點心menu 上既點心都可以任食既~

燒賣: 餡料主要係沙葛, 1 咬落去d 餡就散開晒.. 味道都係麻麻..

三菇餃: 呃人既.. 入面只有1菇(木耳絲), 其餘既主要都係沙葛.. d 餡唔算好好食; 塊皮又厚左d.. 唔食都冇乜所謂...

炸春卷: 個皮炸得好香脆可口, 主要係白蘿蔔既餡料都好好味~ 不過就外層太多, 入面d 餡太少...

104 views

叉燒酥: 入面既素叉燒餡聞起黎都有少少叉燒香味, 不過食起黎又冇乜味.. 同埋d 餡得好少好少, 外皮就好厚... 所以食起黎有少少乾.. 整體味道都麻麻..

雜果沙律卷: 其實應該叫雜菜沙律卷, 因為入面既餡料係紅蘿蔔, 粟米&青豆, 當然仲有沙律醬~ 食落味道甜甜地, 又凍凍地, 清清涼涼咁, 超爆正

!!!

豆沙糯米糍: d 豆沙餡好夠甜, 又足夠~ 糯米皮又煙韌軟糯~ 好好味

西米布甸糕: 個樣都似檸檬林明頓既中式甜品~ d 西米遍佈喺好香滑既奶黃入面, 味道又勁香甜, 真係超爆正正

好好味呀!!!

蓮蓉西米角: 個西米外皮煮得糊左d, 冇左粒粒西米既感覺.. 不過d 餡甜甜地, 整體食都好好味

162 views

腐皮卷: 入面有紅蘿蔔, 木耳&沙葛; 味道都好好味

~ 不過油左d ><...

豆沙煎堆: 塊皮有嚼口~ d 豆沙餡夠多又好夠甜~ 好好味~

咸水角: 入面大多數都係沙葛; 糯米皮炸得好香口; 都好味既, 不過又係油左d ><..

130 views

紅豆缽仔糕: 雖然d 紅豆只得歪左喺1邊的3 粒.. 不過個缽仔糕超甜, 超級好好味

!!!

椰汁馬豆糕: d 椰汁味有少少奇怪, 不過都好夠甜, 好味道

127 views