Video
Read full review
2005-04-21
363 views
兩個星期前的周末, 同朋友搵地方開飯時, 突然醒起呢間. 我地walk-in入去果陣未夠七點, 僅僅有位, 見到有人七點三黎都被拒諸門外, 好彩.首先叫酒, 個waiter未至於黑口黑面, 但好似唔多願serve你咁, 而且大家響溝通上有好大問題(雖然大家都講廣東話). 落order之後佢拎左枝熱sake黎, 我地呆左一呆, 因為大家一路都係講緊凍sake, 問番佢, 佢就答"我頭先咪講左咁咁咁囉". 如果佢真係有講過既話, 好明顯我同朋友兩個都聽唔到; 其實佢如果禮貌少少再講多一次, 我都已經覺得好滿意了. 當時唔想破壞心情, 就咁由佢.食到一半, 見到牆上有日文menu, 應該係是日推介之類, 咁我地就問另一名waiter, 究竟係乜東東啦. 佢真係無得頂呀, 第一句就話"果d唔岩你地食架喇", 我就答"哦, 係呀", 然後繼續望住佢, 佢先至捨得講. 都係得四五款, 好浪費你口水咩? 定係歧視香港人呀?講番食物, 選擇唔多, 但味道真係無話可說. 我地叫左雞肝(x2)、雞腎、免治雞肉、牛舌、青椒、洋蔥、雞脾菇、茄子、蓮藕肉餅同雞翼, 基本上係全部都覺得好食既. 而
首先叫酒, 個waiter未至於黑口黑面, 但好似唔多願serve你咁, 而且大家響溝通上有好大問題(雖然大家都講廣東話). 落order之後佢拎左枝熱sake黎, 我地呆左一呆, 因為大家一路都係講緊凍sake, 問番佢, 佢就答"我頭先咪講左咁咁咁囉". 如果佢真係有講過既話, 好明顯我同朋友兩個都聽唔到; 其實佢如果禮貌少少再講多一次, 我都已經覺得好滿意了. 當時唔想破壞心情, 就咁由佢.
食到一半, 見到牆上有日文menu, 應該係是日推介之類, 咁我地就問另一名waiter, 究竟係乜東東啦. 佢真係無得頂呀, 第一句就話"果d唔岩你地食架喇", 我就答"哦, 係呀", 然後繼續望住佢, 佢先至捨得講. 都係得四五款, 好浪費你口水咩? 定係歧視香港人呀?
講番食物, 選擇唔多, 但味道真係無話可說. 我地叫左雞肝(x2)、雞腎、免治雞肉、牛舌、青椒、洋蔥、雞脾菇、茄子、蓮藕肉餅同雞翼, 基本上係全部都覺得好食既. 而且睇住師傅即叫即燒, 無論視覺同味覺都好享受. 好味既代價係埋單七百大元(連三枝清酒), 都幾貴, 可能係淨食串燒之故.
自問唔算奄尖挑剔, 可惜事隔兩個星期先寫report, 印象最深刻既都係果兩個"大鼻"waiters, 所以總評只能夠比"OK". 佢地既態度絕對係我再幫趁既一大阻力, 不過佢地應該唔憂做啦.
Post