Lucy's (Closed)

基本上去到呢度你真係以為自己去左歐洲，記住係歐洲唔係北美洲，我去過北美幾處地方都多覺有好多呢種餐廳，當然我唔係去過晒北美所有地方啦，只係一個整體印象。可能因為主廚同埋老闆娘即係阿lucy 係響英國黎啦，我總以為係好歐洲既。首先講下環境，裝修唔係好豪華果隻，有d鄉村色彩，比較簡單，不過好舒服，除左你要影相就好似暗左d。其次係食物，lucy既廚藝真係唔錯，叫左兩個頭盤同一個主菜我地兩個人分。(我地唔係好大食，怕叫得多浪費)頭盤有鵝肝同埋軟殼蟹。兩個好食，好食在於有驚喜。鵝肝係燒既，最初我以為好燶，不過侍應叔叔話係燒出黎既，一定係咁。鵝肝下面有個酥皮盒，整得非常好食。軟殼蟹用左一個酸酸地既汁，非常開胃，應該係有芒果既。而且分量十足，絕唔會好似某d扮高貴既法國餐廳咁的式。主菜係銀雪魚，非常有驚喜，個汁都係酸既，不過係白色，有芒果重有菠菜，有本地特色。最後係服務一流，我地要熱水，佢可以不斷添比我地，你要知道客人唔少架。我地星期一晚去，係可以全場滿座既。不過真係全場幾全係外藉人士，所以我話可以當自己響歐洲，只有二檯四人係中國人樣子，其中兩個係我同朋友，重有一位中國人同外藉人士一齊黎。順帶一提，甜品