Video
Read full review
2023-09-16
597 views
朋友一心預早慶祝我生日飯，嚟十里，朋友未到我先坐低，唔夠5分鐘已經有3個不同著黑西裝經理（傳菜/點餐）問我飲咩茶，咁叫「瑰荔堂煌」放低壺茶後，壺面嘅膠標籤寫「大紅袍」咁叫個經理埋嚟問，呢壺係咩嚟，經理話：係瑰荔堂煌，我話：但標籤唔係喎，你拎走啦，我唔需要標籤，個經理拎走換完放壺面，放完我一望又係大紅袍，我話我真係唔需要喇，🙄你拎走啦！個經理死心不息再換第三次先至啱標籤「瑰荔堂煌」然後決定叫咗個$1280二人餐，上鮑參翅肚羹同三個前菜一齊上，我哋兩個食完個羹準備食前菜，完全3個前菜係另一樣野（比咗$880二人餐野我哋）我問第二個經理，前菜係d咩嚟？個經理對住已放枱嘅單拎走碟野唔出聲再行返埋嚟話放錯枱😑然後過咗一陣先至出現返啱嘅前菜。食完鮑參翅肚羹，前菜，蝦球，黑毛豬叉燒，勝瓜百葉蕃茄都好食，味道係一流，上到近最後點心和牛燒餅同小籠包，當食小籠包點醋嘅鐵匙羹拎上手未用已污糟有菜污跡，我等咗好耐想搵個人換走隻羹又冇人可以叫到（座位已經坐近廚房門口）最後要出聲大叫唔該至有人（經理）應我換！食到最尾話明二人餐，咁一定有兩份啦，送上甜品楊枝甘露一份上枱，我話二人餐嚟點解得一份，傳菜仲話只有一份sh
然後決定叫咗個$1280二人餐，上鮑參翅肚羹同三個前菜一齊上，我哋兩個食完個羹準備食前菜，完全3個前菜係另一樣野（比咗$880二人餐野我哋）我問第二個經理，前菜係d咩嚟？個經理對住已放枱嘅單拎走碟野唔出聲再行返埋嚟話放錯枱😑然後過咗一陣先至出現返啱嘅前菜。
食完鮑參翅肚羹，前菜，蝦球，黑毛豬叉燒，勝瓜百葉蕃茄都好食，味道係一流，上到近最後點心和牛燒餅同小籠包，當食小籠包點醋嘅鐵匙羹拎上手未用已污糟有菜污跡，我等咗好耐想搵個人換走隻羹又冇人可以叫到（座位已經坐近廚房門口）最後要出聲大叫唔該至有人（經理）應我換！
食到最尾話明二人餐，咁一定有兩份啦，送上甜品楊枝甘露一份上枱，我話二人餐嚟點解得一份，傳菜仲話只有一份share，我心諗，二人餐個甜品要share!?真心二人餐係咁架咩！？我話你再check下，到我食完個楊枝甘露我個朋友都仲未有，我要再叫經理跟先至快上返！埋單承為$1503！
我覺得係銅鑼灣食飯點都有質素，十里食物質素無問題，但估唔到服務完全衰過食大排檔，不停跟錯單我都見到有其他枱食客叫人真係十里都冇人應，最後個朋友仲話會平日再嚟，問有冇lunch menu可以睇下，經理竟然比返二人set menu比佢睇話係呢個menu。我地出到門口，朋友再問reception 拎lunch menu, 完全唔同，然後仲送咗兩張再食滿$500再送點心嘅coupon，我朋友想比coupon我，我話我以後都唔會再嚟！食物質數好嘅我會再嚟，但服務差，印象差我真係唔會再嚟！
朋友本來叫我北上食中菜，我一向支持香港經濟留港食！但呢刻明白點解咁多香港人星期六日都離港北上食飯，宜家香港飲食服務業真係要改進！
Post
