八時神仙草 (希慎廣場)

Open Now

Now Closed

今日去買個仙草外賣, 店內有三位員工，唔知係唔係因為啱啱有貨到嘅關係，好似倒瀉籮蟹咁，啲員工掛住傾偈討論點樣擺啲物件，好似當買外賣嘅人係透明咁，當時只有我自己一個在等外賣。明明同收銀講咗話係外賣，要加一蚊，冇問題，但係入貨俾我嗰個女仔就將佢當係堂食咁擺喺啲碗度，跟住要提同佢講話外賣，轉完啲盒之後，就咁將兩盒外賣擺在枱上，另外一隻匙羹就咁放喺枱度，冇紙巾冇嘢包住，本身環境真的欠奉衛生，又有單據，又有食過嘅碗碟喺張收銀枱度，將心比己，試問俾你會唔會將一隻外賣匙羹喺一張咁嘅收銀枱然後食入口？ 如果唔改善服務質素，咁好嘅位置應該捱唔住，好快玩完。