Video
Read full review
2019-10-18
12678 views
呢間酒店地點比較偏，唯一知道可以由大圍站轉車，我哋原本諗住喺新城巿廣場乘搭接駁車，但班次實在太少，最後選擇搭的士，地點偏唔重要，食物味道先係重點。首先酒店嘅設計簡單大方，座位非常闊落，空間感足，客人亦唔算多，而服務方面樓面職員亦好有禮貌，好勤力收碟，有笑容，廚部職員有啲都好好禮貌，有啲就一般。至於食物方面除咗海鮮吧同雪糕，真係無咩好食，特別熱暈味道真係好一般，無心思，食材方面大多數都係平價食物，雖然有七折，但都接近四百一位，唔貴但係比呢間好嘅有太多。每位送兩隻生蠔，蠔肉幾好，大隻多肉又夠Creamy。海鮮吧海鮮都幾新鮮：龍蝦有膏，龍蝦肉同鉗肉質幾彈牙，蟹腳肉有啲碎，仲有灼蝦，青口以上嘅都唔錯。麵包蟹無鮮味，蟹蓋無膏，翡翠螺肉仲結緊冰。煙三文魚好乾，刺身都係一般。熱盤嘅燒牛肉，三文魚扒，燒味可以，由其蒸魚比較多人拎。日式叉燒，燒牛肉粒非常鞋。天婦羅正常，其中一款唔明點解蝦仁都唔出，要用素蝦。麵檔有烏冬或拉麵選擇，上面嘅配菜自己選擇放喺碗度。大概8點響叮叮，食客都紛紛出嚟排隊，其中一個廚部師傅不斷搖頭，個樣好無奈，排隊拎嘅就係下面嗰件，類似焗蘋果酥皮。上面嘅湯好似係麵豉湯，下面係燉湯，都幾
每位送兩隻生蠔，蠔肉幾好，大隻多肉又夠Creamy。
海鮮吧海鮮都幾新鮮：
龍蝦有膏，龍蝦肉同鉗肉質幾彈牙，蟹腳肉有啲碎，仲有灼蝦，青口以上嘅都唔錯。
麵包蟹無鮮味，蟹蓋無膏，翡翠螺肉仲結緊冰。
煙三文魚好乾，刺身都係一般。
熱盤嘅燒牛肉，三文魚扒，燒味可以，由其蒸魚比較多人拎。
日式叉燒，燒牛肉粒非常鞋。
天婦羅正常，其中一款唔明點解蝦仁都唔出，要用素蝦。
麵檔有烏冬或拉麵選擇，上面嘅配菜自己選擇放喺碗度。
大概8點響叮叮，食客都紛紛出嚟排隊，其中一個廚部師傅不斷搖頭，個樣好無奈，排隊拎嘅就係下面嗰件，類似焗蘋果酥皮。
上面嘅湯好似係麵豉湯，下面係燉湯，都幾多料，味精有啲多。
蛋糕由甜品部職員由甜品櫃取出，款式簡單，味道係唔會令我想再食。最好應該係蛋撻。
玫瑰小米粥有玫瑰糖漿味，甜咗啲。
Movenpick雪糕都係回本位，有五款味，仲有一款係朱古力。
水果到八點幾拎已經好少，無Refill，西瓜係得啲近白色又唔新鮮嘅所以無拎。
飲品有茶，奶，咖啡，啤酒，不過唔知使唔使加錢，果汁都無，全程無人斟飲用水。
Post
