Video
Read full review
2018-03-27
2563 views
差唔多一至兩季先約得成功嘅聚會，今次有七人岀席，當中公認嘅食家負責book位，佢以杏汁肺湯為找尋目標下，訂咗我亦未食過嘅「粵來順」啦！當晚其中一位朋友早十多分鐘到達拎枱，我亦差不多時間到，餐廳居然話訂了的枱誤俾他人！誤俾他人！！？？朋友訂枱時已預留一湯兩菜式，怎麼可能錯誤俾了他人呢？！解決係可即時坐另一張枱但限時90分鐘還枱或等等等！我真係覺得這個係什麼道理，明明係餐廳自己攪錯，沒有歉意之餘，要顧客承受返後果！！！之後話有另一張枱結賬清理，等了又等，眼見門口等位的食客陸續入座，還未叫我哋。最後我忍唔住再問，先話可以入座，已比訂座時間足足遲四十分鐘！這是對客之道？儘管餐廳係咩米芝蓮推介、儘管你的食物如果是好，已影響我心情、影響我對餐廳嘅印象！食物方面如下⋯⋯生磨杏汁白肺湯(預留)：都算幾夠味，杏仁香白肺潤，不過一大一細湯料都係得個六、七舊肺，似乎少咗d！蜂蜜豉油雞(預留)：比一般豉油雞多一分蜜糖甜，雞肉滑滑，幾好味。籠仔荷香糯米蒸羔蟹(預留)：荷葉蟹鮮甜，將蟹蓋嘅羔混合糯米飯一齊更能提升味道，好食！千絲芝心球：芝心比想像中少，無好似預期多到似芝心丸般，外層超脆脆而蝦丸無驚喜！蒜蓉粉絲蒸開
當晚其中一位朋友早十多分鐘到達拎枱，我亦差不多時間到，餐廳居然話訂了的枱誤俾他人！誤俾他人！！？？朋友訂枱時已預留一湯兩菜式，怎麼可能錯誤俾了他人呢？！解決係可即時坐另一張枱但限時90分鐘還枱或等等等！我真係覺得這個係什麼道理，明明係餐廳自己攪錯，沒有歉意之餘，要顧客承受返後果！！！之後話有另一張枱結賬清理，等了又等，眼見門口等位的食客陸續入座，還未叫我哋。最後我忍唔住再問，先話可以入座，已比訂座時間足足遲四十分鐘！這是對客之道？儘管餐廳係咩米芝蓮推介、儘管你的食物如果是好，已影響我心情、影響我對餐廳嘅印象！
食物方面如下⋯⋯
生磨杏汁白肺湯(預留)：都算幾夠味，杏仁香白肺潤，不過一大一細湯料都係得個六、七舊肺，似乎少咗d！
蜂蜜豉油雞(預留)：比一般豉油雞多一分蜜糖甜，雞肉滑滑，幾好味。
籠仔荷香糯米蒸羔蟹(預留)：荷葉蟹鮮甜，將蟹蓋嘅羔混合糯米飯一齊更能提升味道，好食！
千絲芝心球：芝心比想像中少，無好似預期多到似芝心丸般，外層超脆脆而蝦丸無驚喜！
蒜蓉粉絲蒸開邊蝦：菜式嘅配搭本身就無得輸，這道菜亦無令人失望。
冰梅欖鼓骨：好味好香夠特別，唔多好㯒味嘅朋友都一讚。
椒鹽鮮魷：普普通通，屬正常之作。
上湯浸白菜：一樣係屬正常浸時菜。
整體食物質素的確有優良，奈何入座時的混亂安排，仲有不負責任的所謂補救，對認為一間餐廳提供食物質素與服務水平同等重要的我，如給負評只是覺對廚師們不公平，但怎也不得不收起「笑」評。會唔會再光顧或推介，我都有所保留！
Post
