家嚐飯 (Closed)

好多年前已喜歡這店的食物，因為標榜少鹽少糖無味精，啱晒鍾意健康嘅我。但後來經過裝修，啲檯椅全部換晒用高檯椅，啲櫈好似 Bar檯櫈咁高，我覺得坐得好唔舒服，所以已經好耐冇再幫襯。今晚經過突然想再試下，結果都係一樣，坐到我腰都痛埋，食完拿拿聲走。我食嘅係晚市套餐：黑椒豬扒紅米飯，送餐湯和飲品，$48 真係幾抵！啲紅米飯好香軟，應該係靚米，黑椒豬扒都算大件，醬汁唔係好重味，食完都唔會口渴，我諗真係冇乜味精；餐湯要了雜菜湯，其實係蕃茄湯，微酸；飲品要了熱朱古力，好香朱古力味但又唔會太甜。我對這裏的價錢和食物都滿意，唯一美中不足係座位真係坐得好唔舒服，令人一食完就要即刻走，如果要約朋友傾下計，這裏絕對不宜。