喜運點心專門店 (Closed)

今日公司早收工，叫太太帶兩個小朋友到石門地鐵站集合，試吓京瑞廣場附近餐廳。行經一間點心專門店，我們一家就入去坐低試吓。食店內的環境清潔舒適，食物真係即叫即蒸的，等了一陣子，熱辣辣香噴噴嘅點心已放到我們面前，首先係要讚係個「燉湯南北杏菜膽燉豬肺」，無味精好飲，清甜可口，係正嘅之後個鮮蝦燒賣王… 因為小朋友好喜歡食，所以我們一共叫咗兩籠再嚟多個「香煎蘿蔔糕」，煎得好脆口，又有蘿蔔絲，加上甜醬簡直係絕配好啦～ 講完食物… 我想講係服務質素其實原本我係唔打算寫呢個食評，所以無咩食物相片給大家參考，原因係個茶位問題我哋一家四口（兩大兩個細分別一個兩歲及四歲），最後結帳時我問點解收我四個茶位一共$46，他竟然答我：「你哋四個人坐左四個位，收四個茶位無收多你喎」，我當時很不憤，不過算啦～ 無下次，無下次我兩個小朋友仲係叫左杯菊花茶飲添希望大家除了首要注重食物質素之外，也要注重服務態度這一點，共勉之！