Video
Read full review
2014-09-26
3139 views
一直"欠交"這個食評因為停寫一段時間要逐篇找回相片真的頗花功夫, 嘻嘻, 既然急不來...慢慢排隊寫不用急! 其實會去這間意大利餐廳是因為以前工作地方在百利附近, 出地鐵我好鍾意出佐敦站恆豐出口再'兜'路行番公司, 享受獨行發"吽豆"發白日夢踱著旺中帶靜的地段...行來別有一番滋味...每次經過這間餐廳望入去都覺得感覺良好, 有時想食, 但又無訂定位太多人, "下次啦"咁...終於不再在這區工作, 又沒有想起它直至要搵地方同Honey及朋友仔在尖沙咀區食飯就想起這店, 好, 一於預早訂座, let's go, Go~Go~Go!我們訂得早, 18:15當然有位, 但提醒各位, 假日晚市無訂位唔好望walk-in, 因為確實我們走時已爆場, 唔訂有排等...地點方面: 地鐵出口行來唔駛3分鐘, 非常方便!氣氛方面: 燭光晚餐喎, 嘻嘻...唔錯唔錯! 座位安排: 如果不是坐近門口的枱, 入面都排得略為密麻麻, 大家要相就一吓...服務方面: 叔叔侍應很好, 其他侍應要咩有咩, 雖則唔會笑笑口, 但亦無黑面或越叫越走, 算不錯! 食物方面: 很多選擇! 但當晚我們一行只得3人, 有點可惜
一直"欠交"這個食評因為停寫一段時間要逐篇找回相片真的頗花功夫, 嘻嘻, 既然急不來...慢慢排隊寫不用急! 其實會去這間意大利餐廳是因為以前工作地方在百利附近, 出地鐵我好鍾意出佐敦站恆豐出口再'兜'路行番公司, 享受獨行發"吽豆"發白日夢踱著旺中帶靜的地段...行來別有一番滋味...每次經過這間餐廳望入去都覺得感覺良好, 有時想食, 但又無訂定位太多人, "下次啦"咁...終於不再在這區工作, 又沒有想起它直至要搵地方同Honey及朋友仔在尖沙咀區食飯就想起這店, 好, 一於預早訂座, let's go, Go~Go~Go!我們訂得早, 18:15當然有位, 但提醒各位, 假日晚市無訂位唔好望walk-in, 因為確實我們走時已爆場, 唔訂有排等...
地點方面: 地鐵出口行來唔駛3分鐘, 非常方便!
氣氛方面: 燭光晚餐喎, 嘻嘻...唔錯唔錯!
座位安排: 如果不是坐近門口的枱, 入面都排得略為密麻麻, 大家要相就一吓...
服務方面: 叔叔侍應很好, 其他侍應要咩有咩, 雖則唔會笑笑口, 但亦無黑面或越叫越走, 算不錯!
食物方面: 很多選擇! 但當晚我們一行只得3人, 有點可惜只能點選很少食物, 唯有叫一個2人套餐再加pizza及訂了火熖雪山做甜品, 其中煙鴨胸沙律唔錯, 鴨肉鮮嫩, 沙律好味, 但都有點後悔無跟openrice食評話唔錯的田園沙律, 因為'隔離飯香'係我一向的性格缺憾, 為食到咩都想食咩都想試...芥末牛柳一般啦, 可能我honey整牛肉的功夫實在太了得, 出外吃很難打高分. Pizza 即造, 皮脆餡靚, 百零蚊當然貴過連鎖店的細薄餅, 但我覺得餅底好味得多, 都值得嘅! 火焰雪山上枱之時大家都好開心, 氣氛熱烈, 侍應叔叔叫我哋要影相/拍片就準備一下, 不過因段片係朋友仔拍的, 太耐費事叫佢搵, 總之回憶中有呢件事就夠了!
總括而言, 二百零蚊位食西餐, 這是一間氣氛唔錯的小餐廳, 地點便利, 食物選擇多, 味道及服務尚好, 所以屹立多年不倒, 不妨一試!
Post
