Video
Read full review
2023-03-20
2567 views
當晚6點左右Walk in想唱K，見指示牌話Red MR都係去Cosmos個層櫃台，幫襯前亦再次問定櫃枱想唱Red MR係咪都係到登記。點知最後都係派我地入Cosmos個層，問職員就話因為得2個人，點都只會比Cosmos嘅房。當下已經好不滿，點解前台明知我地想唱Red MR，唔預先講定呢件事比我地知。死死地氣就忍佢一次當試新嘢，雖然一早知Cosmos都係Red MR旗下，但食物同唱K音質都係最差，就算同另一間K房比較都係伏到傻。首先，價錢上已經唔算平，每人$300左右唱2個半鐘。雖然金額係可以當做飲食消費，但食落先發現食物差到難以想像。-燒美國穀飼肉眼扒配薯格，燒汁總共有兩塊肉眼扒，另附燒汁，牛肉算正常，但牛味唔係特別香。最神奇係睇落最簡單嘅薯格，竟然可以炸到無乜薯仔香，口感又奇怪，應該係人生中第一位最難食嘅炸薯格，求其係快餐店買都好食過佢。-肉醬芝士薯條芝士醬幾多，肉醬係有辣度，薯條比連鎖快餐店再粗身少少，但將車打芝士醬同肉醬夾埋有啲奇怪，個人認為唔太夾。-爐端燒拼盤一碟內有大蔥、牛舌、雞翼、雞軟骨同冬菇，唔明點解簡單如雞翼同冬菇嘅菜式，味道都怪怪地。得牛舌叫可取少少，口感仲有啲韌性
首先，價錢上已經唔算平，每人$300左右唱2個半鐘。雖然金額係可以當做飲食消費，但食落先發現食物差到難以想像。
-燒美國穀飼肉眼扒配薯格，燒汁
總共有兩塊肉眼扒，另附燒汁，牛肉算正常，但牛味唔係特別香。最神奇係睇落最簡單嘅薯格，竟然可以炸到無乜薯仔香，口感又奇怪，應該係人生中第一位最難食嘅炸薯格，求其係快餐店買都好食過佢。
-肉醬芝士薯條芝士醬幾多，肉醬係有辣度，薯條比連鎖快餐店再粗身少少，但將車打芝士醬同肉醬夾埋有啲奇怪，個人認為唔太夾。
-爐端燒拼盤一碟內有大蔥、牛舌、雞翼、雞軟骨同冬菇，唔明點解簡單如雞翼同冬菇嘅菜式，味道都怪怪地。得牛舌叫可取少少，口感仲有啲韌性。
-Fruit Punch普通嘅雜果賓治，無特別之處。
Other Info. :
K房音質好似有層隔膜咁，好唔清晰，食物又難食，就算佢房內裝修比普遍K房靚少少，但我都覺得搵唔到再幫襯嘅理由。
(The above review is the personal opinion of a user which does not represent OpenRice's point of view.)
Post
