稻埕飯店 (V Point) (Closed)

祝賀朋友公司開新店後, 一行六人就嚟呢間餐廳食飯, 早前已經預約而且識人可以開一支house wine就免全枱開瓶費, 可惜店員好似缺乏溝通未知安排, 而且非常惡劣嘅態度對待, 8點入座時全餐廳只有3枱, 加上食物質素平平, 擺盤精緻但欠台灣風味, 不推薦花雕雞卷 - 食到花雕味同紅棗味, 雞肉嫩滑但有少許雪味白滷水甜不辣 - 落單時未有提醒我地份量, 一個拳頭大細要六個人分有D狼狽鵝不是鴨肉（半隻）- 鵝肉拼盤, 正常發揮蟹肉帶子蛋白泡泡脆米金湯 - 蛋白泡泡、蟹肉、帶子、蝦仁、脆米通、南瓜湯底,  咁多海鮮味道唔算特別鮮甜, 主要都係eye catching大於一切黑松露奶油鮮百合 - 呢個反而有驚喜, 奶油白汁令到鮮百合更甜更滑鹽酥波士頓龍蝦脆角豆金角瓜 - 呢個可以話係最失望, 擺盤精緻十足盤景, 但龍蝦肉少得可憐, 大部分都係配料炸南瓜、炸秋葵粒、炸米通八斗子炒飯 - 虎蝦、帶子、蟹肉、蟹子、豬肉鬆、蔥粒、蛋炒成, 中規中矩, 主要依賴豬肉鬆味道作骨幹最差莫過於呢支必須叫嘅house wine, 又草青又怪, 完全唔覺得自己飲緊shiraz