日常素食 (Closed)

中午同同事嚟試吓食素食自助餐，90幾蚊一位。咁嘅價錢，都唔可以有啲咩要求，唔難食就OK。因為喺外邊睇唔到佢大概係食咩嘢，所以諗住入去望一望，點知入到去即刻俾個員工鬧，佢話睇咩啊睇唔可以睇㗎，我哋唔俾睇㗎🤨ok，唔緊要，照樣坐低食。食物款式選擇唔多，同埋熱門菜式不太會refill。炒菜、翠玉瓜、茄子，炸物味道都係ok嘅。蘿蔔糕都唔錯。兩款糖水：楊枝甘露藥水味嘅，勁難食！紫米露，水fing fing，完全唔掂。雪糕cheap，食落冇味嘅，求其牛奶公司會好味超多，所以不食可也。真係唔知點解呢間嘢咁受歡迎，超多長輩幫襯。可能之後下午茶時段平掛🤨但係下午茶就係食返午餐嘅時候食剩的食物，好似廚餘咁不太美觀。