吉祥冰室 (Closed)

今日因為家人下午有事要出去，所以就用外賣平台快揾咗元朗其中一間冰室外賣送來。家人叫咗個雪菜肉絲炆米配凍朱古力，家人意見味道淡淡，一般而無特別。我就叫咗蔥花鹹牛肉炒蛋常餐，跟多士，通粉夾鮮茄濃湯，配凍檸茶。初時會覺得通粉配鮮茄湯淡淡地，好似唔係太夠味，不過食落又覺得唔會太咸，而鹹牛肉炒蛋亦整得好味，整體感覺味道較為天然，唔會多味精。我試過家人的雪菜肉絲炆米，味道同樣係較為清淡，相對無我個常餐咁好味。或者下次可以試下吉祥的炒粉麵飯夠唔夠鑊氣。