滿記冰室 (Closed)

今日午餐同家人想食沙嗲牛及撈麵，網上平台揾到滿記冰室。家人叫咗沙嗲牛肉米粉，牛肉夠入味，幾好味。跟餐加錢叫咗紅豆冰，只係淡咗小小。我就叫咗個雞扒撈出前一丁，雞扒幾好味，個出前一丁亦都時間控制得好。凍奶茶走夠茶味，不過無走到甜，要扣分。另外跟餐的炒蛋 /煎蛋及火腿都OK，不過有一份多士就太燶啦，明知焗燶咗都照出餐俾客，呢個更加要扣分。有啲事看似細微，其實呢啲就係建立正/負面口碑的關鍵位。今日的order，雖然食物整體係OK, 但我對滿記的感覺係負面。